 |
|
| ~*¤®§(*§لـغـة الـعـيـون§*)§®¤*~ˆ° | ||
| دمــــ الــحــب ـــــوع | ||
|
بعض الكلمات التى تعبر عن رحلة عمرى
لا جواب ولك في صمتي جواب
اجرحيني واشربي دم الوريــد
وعلميني من رمى بوجه السحاب
كل عطاشى الأرض وأفواه العبيد
للخطا في واقع مل الصــواب
جمــرة ترقص على كف الوليد
في كتاب تاه في غربة كتـاب
الف ليل بليل هــارون الرشيـد
مغترب عامين والثالث ذهـاب
لواحد وعشرين واثنين ويزيــد
اغتربت وجيت من عقب الغياب
واكتشفت اني بهـــا العالم وحيد
ليتني ما جيت آو جيت بعتاب
مذنب مــا خاف من سيف الوعيد
أو جواب ما عشق صمت الجواب
لا جرحني ومــا سكن دم الوريد
ارحلي دامك بغيتي ترحلين
واتركيني في همومي والقهر
واتركيني لليالي والسـنين
اللي مثلي كم تعود للسهـر
واسمعيني كان ودك تسمعين
كلمتين بخاطري قبل السفر
حبك بقلبي ترى لو تصدقين
باقي وياي مع طول العمر
ودعي يا عين بالك تدمعين
ما يفيد الدمع في يوم القدر
الليالي تقول والقلب الحزين
ما نبي الا ذكرياتك والصور
اعتبرني حلم عابـر في حياتك
اعتبر حبي سحــابة في سماك
اعتبرني من بقايــا ذكرياتك
اعتبرني شخص مـا يرغب لقاك
ابتعد واجمع مع غيري شتاتك
يوم صــار الغير هو غاية هواك
التسلي بالمشاعر من صفاتك
يـــا فقير الحب اتبع من غواك
روح دور يا عديم الذات ذاتك
بارخص الاسعار يخسر من شراك
يا ردي الطبع بانت لي رداتك
يـــا عسى ربي عن العالم خذاك
باحيي الافراح في ليلة وفاتك
دام مــات الحب واحلامي معاك
من عيوني هلت دموع العذاب
وصارت العبرات تنزل عالخدود
وابتدت دنياني من شفتك سراب
اتبعه وأظن له عندك حـــدود
وانتهت زفرات عمري بالغياب
من وفاتي قبلها الأيام ســود
اعتقد غيري لقى عندك رحاب
واعتقد وجدي صدق كل الوعود
أمنياتي عيشتك ويا السحاب
وأمنياتك كل مآبي للركــود
والله إني دنيتي بعدك خراب
والله إني شفت من قلبك جحود
اسهر الليل اللي معذبني وأهاب
لا رأت عيني على طيفك شهود
انتي عمري وانتي الأمر المجاب
قلتها مبروك يا عمر الوجود
ارحمي ورو في على منهو مصاب
من هواكم طار عقله من الوجود
ابكتب احساسي على صفحة الياس
مأساة شاعر حطمته الليــــالي
الحبر دمعي والمناديل قرطــاس
كتبتها تعبير عن مــــا جرالي
الشعر يكتب من معناة وإحسـاس
جوابي المعهود أول وتــــالي
ياميم احبك حب من دون مقياس
حبك مخلد للأبد مــــا يزالي
انت الوحيد اللي اوده من الناس
وانت العزيز اللي على القلب غالي
لاغبت عني يومٍ أعلنت الأفـلاس
بعدك رصيدي يا منى النفس خالي
تمشي شرف ما دست في درب الأدناس
لك منزلٍ بين النجـــوم العوالي
يزها عليك من الذهب خاتم الماس
يزهـــا جمالك والدلع والدلالي
أبكتب احساسي على صفحة الياس
عساك تفهم ما يدور بخيــــالي
|
